الثلاثاء، 4 يناير 2011

المؤسسة الامنية لا تتقبل النقد






وصلني من كويت نيوز

العميد الصبر : المؤسسة الامنية لا تتقبل انتقادات وسائل الاعلام وان كانت صحيحه

تعليقي :

اقعد في بيتكم وتقبل ولا تتقبل براحتك لكن انك تكون مكلف بوظيفه وتاخذ معاش من الدوله وتطلع بالتلفزيون مع قيادات امنيه واطيحوله جذب ونصب وكلام ما ينقال حتى بجلسات جاي الضحى النسائيه او واحد يرفع او واحد يجبس وما تبي احد ينتقدك انا اقولك ان اي موظف بالدوله معرض للنقد انت او زملاءك ووزيرك معرضين للنقد والي مو عاجبه يقعد في بيتهم وينطر 10 الشهر ياخذ معاشه من التامينات

اما اذا كنت تتكلم بسم المؤسسه الامنيه كلها والمقصود وزاره الداخلية كونك المتحدث الرسمي فاعتقد ان ماكو نقد اكبر من توجيه استجواب لوزير الداخليه وطلب طرح الثقه فيه

وان كنت تهدد المؤسسات الاعلاميه فهاذا النهج مرفوض وفاشل لان الاعلام حر والاعلام عالمي ومطاعاتكم وسوالفكم ما توصل برا وهاذا النهج بوصلنا الى شي ما نحبه وهو وجود معارضه بالخارج

الحريه الاعلاميه موجوده وكون اغلب المؤسسات الاعلاميه فاسده وفي صفكم انتبه ان هاذا الشي مؤقت وبدا بالزوال بصحف الكترونيه حره ومنتديات حره ومدونات حره والان المصيبه التي ستكون عليك وحدك وجود قنوات تلفزيونيه حره تنتقد تعسفكم بتطبيق القانون وتنتقد مخالفاتكم الدستوريه وانتقائيتكم وفرزكم للناس وتنتقد النهج البوليسي والقضايا الكيدية التي ترفعها الوزاره

كانت ادارتك اتابع بحرص 5 او 6 صحف وترد يوم بيومه الحين الموضوع كبر ويمكن صار اكبر منك فاذا ما كنت قد المكان استقيل والموجودين فيهم الخير والبركه